На 30.10.2024, Центар за граѓанска иницијатива беше посетен од Филип Г. Андерсон, Заменик амбасадор во Амбасадата на Австралија за Србија, Северна Македонија и Црна Гора во Белград и Почесниот конзул, Зоран Костовски. На средбата со тимот на Центар за граѓанска иницијатива беа запознати со работата и резултатите на организацијата во изминатите 27 години, а потоа и со резултатите од проектот „Таа е моќна“ кој го реализиравме во периодот 25.03 – 25.07.2024 со поддршка на Австралиската амбасада во Белград. Овој проект придонесе за зајакнување на маргинализираните рурални жени и девојки кои живеат на територијата на Општина Долнени. Беше спроведена проценка на потребите од страна на истражувач кој разви методологија за да се оценат капацитетите на невработените жени и девојчиња наспроти можностите на општинскиот и бизнис секторот и се реализираше серија на обуки за оваа целна група. Потоа се обезбеди и соработка со бизнис секторот и ангажирање на девојките кои ги посетуваа обуките.
Заменик амбасадорот Филип Г. Андерсон и Почесниот конзул Зоран Костовски со тимот на ЦГИ беа во посета на Општина Долнени, каде беа запознати со состојбата во општината, нејзините потреби и планови, а разговара и за соработката со Центар за граѓанска иницијатива и реализацијата на проектот „Таа е моќна“. На средбата во Општина Долнени гостите од австралиската амбасада разговараа со Г-ѓа Ајше Муаремоска-Топалоска, раководител на Одделение за јавни дејности во Општина Долнени.
