Во текот на нашата работа ние развивме и продолжуваме да ги развиваме нашите капацитети во различни сфери, притоа создавајќи спектар од експерти кои можат да ги пренесат знаењата на саканите целни групи преку организирање на обуки за:
– Човекови права
– Организациски развој
– Менаџирање на проекти
– Решавање на конфликти
– Ги користиме нашите ресурси за консултации со различни видови на организации за обезбедување на помош во текот на развојниот процес.
– Работејќи за заедницата обезбедуваме правна помош за оние жртви кои биле неправедно третирани од полицијата.
– Промената може да се предизвика само доколку се обезбедат доволно информации на заедницата неопходни за да се стимулира промената. Поради тоа организираме различни видови на активности за подигање на свеста преку споделување на информации, образование, медиуми и активности за младите.
– Ние ја гледаме превенцијата како основа за надминување на проблемите на патот на развојот на заедницата. Многу од нашите ресурси се посветени на оваа превентивна компонента во секоја од специфичните делови на програмата во нашата организација.
– Сметајќи дека учењето е основниот столб на промената, од претходни искуства научивме и развиваме алатки и прирачници со цел да го поддржиме континуираниот процес на учење на нашите целни групи.
– Со нашето знаење и искуство ние ги нудиме нашите услуги на граѓанско организации и на секторите на локалните самоуправи во областа на менаџирање на проекти и локален развој.